Sümansaanainwiitürio (Lamanzanadevidrio) shia wanee akotchiraayaa sünain anaataa akuwa'ipaa noonotsü achajaain awashirajawaa süka neerü. Shiaalu'u shi'raajireein tü akumajaakaa kasa,je kanülianjatüin je kojutüinjatüin soo'ujee tü kasa eekalü ama'anaa kama'ainrüin shinnaajünüin, puweewulokoroloin je kasa anachoin shinnüin mmapa'a.
Soo'ujee tüüirua tü kasa shi'ataainjatkaa anain süpüla suuntuin Sümansaanain wiitürio,shia kottiraainjatüin sutuma tü muuntokoo sükajee e'ewalinjatüin sutuma kusuirua akuwa'ipaamaajatü alanaainjatkaa süchikijee tü mmaparatsheeirua akatajiraakaa waya.
Oo'ulakaa müsia shianjatüinja'aya ma'in kanainjeein tü apansaajaakaa sukuwa'ipa pawalaawajirawaa je aleewaa eekai kojutuin atuma tü mainmapulujirawaakaa akuwa'ipa sutuma tü puweewulokoluirua. Soo'ujee tia, a'yataayaapüleekaa eesü sulu'u kojuyasü nasiyoinrua, sükajee shiain sücheküin Sümansaanainwiitürio shi'itaain wanee sukusuinrua tü eesükalüirua sümaa sünain a'yataajirawaa süpa'apünaa mmakaa wattapünaa a'yataainjatüin süka saa'in shimiiwa'a, je a'wanajiraain sukuwa'ipa shi'atayaa waneepia.
|
